Site icon Telegrafi

Roma fiton me përmbysje ndaj Spalit

Shkumbin Pireva

 

Roma ka fituar me rikthimin në shtëpi ndaj Spalit me rezultat 3-1 në ndeshjen e vlefshme për javën e 16-të në Serie A.

Giallorossët kanë vazhduar formën e mirë dhe fitoret në kampionat, pasi kësaj radhe kanë fituar në Olimocio ndaj Spalit.

Pjesa e parë e ndeshjes u karakterizua me lojë më të mirë dhe raste më të shumta të vendasve, por vetëm mysafirët gjetën golin.

Ishte Andrea Petagna, i cili shënoi nga penalltia për 0-1 dhe dërgoi skuadrën e tij në pushim me epërsi.

Petagna kaloi Spalin në epërsi (Foto: Paolo Bruno/Getty Images/Guliver)

Në pjesën e dytë, Roma arriti të kthehet dhe të ishte e papërmbajtshme duke shënuar tri gola dhe duke siguruar fitoren.

Goli i barazimit erdhi në minutën e 54-të të ndeshjes dhe ishte Lorenzo Pellegrini që shënoi për 1-1, ndërsa Diego Perotti (66′) shënoi nga penalltia për 2-1.

Deri në fund të ndeshjes, Roma vazhdoi lojën e mirë dhe sulmet duke gjetur edhe një gol me anë të Henrikh Mkhitaryan (83′), i cili vulosi rezultatin përfundimtar 3-1.

Me këtë fitore, Giallorossët ngjiten në pozitën e katërt me 32 pikë, ndërsa Spali mbetet në vendin e fundit me vetëm nëntë pikë.

Në ndeshjen e radhës, Roma udhëton te Torino, ndërsa Spali luan në udhëtim te Torino. /Telegrafi/

https://www.youtube.com/watch?v=G8PV379sTf8

https://twitter.com/back_faster/status/1206276237007740930

 

Exit mobile version