Më në fund janë zbuluar datat mbi qarkun e ardhshëm të Kampionatit Botëror të video-lojës League of Legends, i cili pritet të zhvillohet në Amerikën e Veriut.
Riot ka njoftuar se botërori i sivjetmë do të filloj me datën 29 shtator, duke kulmuar me finalet me datën 5 nëntor.
24 ekipe nga regjione të ndryshme do të jenë në garë në kampionatin botëror të League of Legends .
Qarku do të fillojë me lojëra në stadiumin Arena Esports të Mexico City nga 29 shtatori deri më 4 tetor.
Më pas, gara do të vazhdojë në Shtetet e Bashkuara për pjesën e mbetur të botërorit, duke filluar me Madison Square Garden në New York City midis tetorit.
Nga data 7 deri në 10 dhe 13 deri në 16 tetor do të mbahet faza e grupeve, ndërsa çerekfinalet do të zhvillohen në Madiso Square Garden nga data 20 deri më 23 tetor.
Botërori më pas do të vazhdojë në Atlanta, Arena State Farm e Xhorxhias për gjysmëfinalet më 29 dhe 30 tetor.
Ndërsa finalja, duke bashkuar dy skuadrat që kanë mbizotëruar mbi të gjitha të tjerat në këtë turne ndërkombëtar, do të mbahet në stadiumin Chase të San Franciskos me datën 5 nëntor, duke shënuar fundin e botërorit për këtë vit. /Telegrafi/