Daniel Ricciardo beson se do të frymëzohet nga Lewis Hamilton pasi zbuloi bolidin e ri të Renaultit për sezonin 2019.
Pas pesë vjetësh në Red Bull, Ricciardo mori vendimin dramatik për të lënë ekipin e Milton Keynes dhe t’i bashkohet skuderisë franceze.
Vitin e kaluar, Renault u rendit i katërti në renditjen e konstruktorëve me 122 pikë duke mbetur pas Mercedesit, Ferrarit dhe Red Bullit.
Por, Ricciardo po frymëzohet prej Hamiltonit, i cili në sezonin e parë me Mercedesin përfundoi i katërti në kampionat.
“Unë me siguri se do të marr diçka nga suksesi i Lewisit me Mercedesin”, tha 29-vjeçari, Ricciardo.
“Sukseset e britanikut nuk ishin të menjëhershme, por që më pas erdhën edhe titujt e njëpasnjëshëm. Pra, kjo sigurisht që është motivuese dhe provë se mund të arrish çdo gjë në karrierë”, pohoi australiani.
Ndryshe, Ricciardio deri më tani ka shtatë fitore në shtigje të ndryshme dhe në 29 raste e ka gjetur vendin në podiume. /Telegrafi/