Xhiroja e 26-të në Superligën e Maqedonisë së Veriut solli shumë surpriza mes ekipeve që garojnë për titullin dhe kryesisht ato shqiptare.
Struga Trim Lum u mund nga Vardari, ndërsa Shkupi u mposht nga Bregallnica në Shtip. Humbjet e Strugës dhe Shkupi, nuk arriti ti shfrytëzojë Shkëndija që nuk shkoi më shumë se një barazim 1:1 ndaj Makedonija Gjorçe Petrovit.
Në këtë situatë, renditja tabelare nuk pësoi ndryshime, duke lënë që Struga të vazhdojë në krye me 54 pikë dhe Shkupi në vend të dytë me katër pikë më pak dhe Shkëndija e treta me 49 pikë në konto.
Sileksi vjen në vendin e katërt me 37 pikë dhe pas vetes ka Tikveshin me një pikë më pak. Gostivari që gjithashtu barazoi në xhiron e fundit, mban vendin e gjashtë me 33 pikë, tre më shumë se Brera Strumica në vendin e shtatë.
Skuadra e Vardarit ka marrë pozitën e tetë me 29 pikë, një më shumë se Rabotniçki dhe Voska Sport që kanë nga një pikë më pak (28 pikë).
Dy vendet e fundit në renditje mbahen nga Makedonija Gjorçe Petrov dhe Bregallnica e Shtipit, me nga 25 pikë secila.
Kampionati më i mirë i Maqedonisë së Veriut vazhdon me xhiron e 27-të në program 14 prill. /Telegrafi/