Turneu ndërkombëtar ku ekipet të përbëra nga dy lojtarë garojnë kundër njëra tjetrës në CS:GO – Red Bull Flick, tashmë ka hapur regjistrimet për turneun kualifikues të edicionit të dytë për ekipet nga Kosova.
Nga turneu Red Bull Flick Kosova, dy lojtarët më të mirë do të kenë mundësi të bëhen pjesë e turneut Red Bull Flick Invitational i cili do të mbahet në qytetin Kopenhagë të Danimarkës.
Do të mbahen dy turne kualifikues për ekipet e Kosovës, ku dy më të mirët nga secili turne kualifikues do të sigurojnë pjesëmarrjen në finalet LAN në Prishtinë.
Kualifikimi i parë do të mbahet me datën 27 gusht, ndërsa i dyti i quajtur Juanflatroo Qualifier, në emër të lojtarit të famshëm të ekipit Bad News Eagles, do të mbahet me datën 28 gusht.
Gjithsej tetë ekipe do të përballen në turneun LAN në Prishtinë me datën 3 shtator, ku dyshja fituese do ta përfaqësojë Kosovën në turneun Red Bull Flick Copenhagen, i cili do të mbahet në qytetin Kopenhagë të Danimarkës.
Në këtë turne pjesëmarrës do të jenë ekipe të famshme si G2, Vitality, BIG dhe më shumë.
Regjistrohu në turneun e parë kualifikues me datën 27 gusht.
Regjistrohu në turneun Juanflatroo Qualifier me datën 28 gusht.
/Telegrafi/