Femrat nga e gjithë bota kanë problem me këtë dukuri që iu shkakton problem në vetëbesim, dhe kjo dukuri është qimet e fytyrës.
Shpeshherë për t’i hequr qimet e padëshiruara, gratë përdorin metoda të ndryshme si depilomi, rroja, zbardhimi etj. Opsion tjetër që përdorin është edhe heqja e qimeve me laser, por jo gjithkush mund ta përballoj këtë metodë financiarisht, transmeton Telegrafi.
Por, fatmirësisht ekziston një zgjidhje natyrale për këtë problem që është përdorur me shekuj të tërë nga gratë e Lindjes së Mesme. Zgjidhja është shumë efektive dhe pjesa më e mirë është se mund të kryhet në shtëpi.
Përveç që i heqë qimet, ky produkt e zbutë lëkurën dhe e bën të duket e shndritshme dhe e shëndetshme.
Përbërësit e këtij produkti janë të mbushur me vitamine, minerale dhe antioksidantë. Duhet pasur parasysh se lëkura është organi më i madh i trupit dhe njerëzit duhet t’i kushtojnë vëmendje të veçantë kujdesit të lëkurës dhe asaj se çfarë aplikojnë në të.
Përbërësit:
– Një lugë gjelle bollgur
– Dy lugë gjelle lëng limoni
– Tri lugë gjelle mjaltë
Krejt çfarë duhet të bëni është t’i përzieni të gjithë përbërësit dhe pastaj ta aplikoni produktin në zonën ku dëshironi t’i hiqni qimet. Lejojeni produktin t’i shtrijë efektet e veta për 15 minuta, pastaj pastrojeni me ujë të nxehtë.
Pas kësaj, aplikoni krem të zakonshëm për fytyrë. Këtë metodë përsëriteni 2-3 herë në javë. Pas një muaji, do të befasoheni nga rezultatet. Të gjitha qimet do të zhduken! /Telegrafi/