Skuadra e Skënderbeut në Facebook ka konfirmuar pezullimin nga garat evropiane për edicionin 2016/2017.
Në këtë njoftim thuhet se UEFA padrejtësisht ka pezulluar skuadrën kampione të Shqipërisë.
Njoftimin e Skënderbeut e lexoni në pjesën e mëposhtme.
UEFA pezullon padrejtësisht Skënderbeun nga Europa për sezonin 2016- 2017
Ka mbërritur sot në zyrat e klubit KF Skënderbeu, vendim i UEFA-s i cili ka pezulluar padrejtësisht ekipin e Skënderbeut për një sezon (2016 -2017) nga Kupat e Evropës.
Njoftojmë gjithë familjen bardhekuqe, që pavarësisht këtij vendimi, aspak te drejtë, aspak te provuar dhe argumentuar, të marrë në dëmin e klubit tonë, që ky vendim do te kundërshtohet në instancat më të larta.
Lexo më shumë: UEFA dënon Skënderbeun me largim nga Liga e Kampionëve
Jemi të sigurt që e drejta e mohuar në UEFA, do të fitohet në CAS nga klubi ynë.
Bëjme me dije të gjithë tifozerinë korçare, që ka nisur menjëherë përgatitja e dokumentacionit nga grupi i specializuar i avokatëve për ta paraqitur mbrojtjen e “KF Skënderbeu” në Gjykatën e Arbitrazhit në Luzanë.
Skënderbeu është i qetë , nuk do të dorëzohet dhe sigurisht nuk do të heqë dorë nga e drejta absolute e mohuar padrejtësisht në mënyrën më flagrante.. Sëbashku jemi më të fortë!