Komuna e Vushtrrisë ka ftuar të gjithë qytetarët që gëzojnë shëndet të mirë, të enjtën e ardhshme më 17 tetor, të dhurojnë gjak vullnetarisht për personat në nevojë.
Sipas njoftimit, më 17 tetor Qendra Kombëtare e Kosovës për Transfuzionin e Gjakut do të jetë në Qendrën Kryesore të Mjekësisë Familjare në Vushtrri, shkruan Telegrafi.
Dhurimi vullnetar i gjakut do të bëhet nga ora 10:00 deri në orën 14:00.
“Një pikë gjaku e dhuruar nga ju, për dikë do të thotë jetë, e jeta është gjëja më e çmuar që ka njeriu”, thuhet në ftesë. /Telegrafi/
