Policia pakistaneze ka nisur një hetim kundër qindra burrave të panjohur pasi një grua e re u abuzua seksualisht nga një turmë prej më shumë se 400 burrash në një park në Lahore, ndërsa filmonte një video për TikTok.
Sulmi tronditës u regjistrua në disa video që u bënë virale, duke treguar një turmë që sulmon një grua ndërsa ajo ishte në Greater Iqbal Park në Lahore dhe filmonte një video TikTok.
Në mes të ditës, burrat e kapën gruan dhe e hodhën në turmë, duke i shqyer rrobat, sulmuar dhe përplasur, raporton theguardian.
Gruaja raportoi rastin kundër 300 deri në 400 persona të paidentifikuar në policinë e Lahore, transmeton Telegrafi.
Woman making TikTok video is sexually abused by crowd tearing off her clothes in Pakistan: Police investigate HUNDREDS of men after attack
The horrific incident took place August 14 but was not reported until days later
A crowd of hundreds of men encircled the young woman pic.twitter.com/LII0k3WPmI— MassiVeMaC (@SchengenStory) August 25, 2021
“Turma më tërhoqi nga të gjitha anët deri në atë pikë sa rrobat e mia u grisën. Më hodhën në ajër. Më sulmuan brutalisht”, tha gruaja në një deklaratë për policinë. Ajo shtoi se turma gjithashtu vodhi bizhuteri, vathë dhe celular.
Pamjet ndezën një valë neverie dhe zemërimi në Pakistan. Ministri i Informacionit i Shtetit, Fawad Chaudhry tha se arrestimet janë duke vazhduar. Disa autorë janë identifikuar.
Aktivistë, politikanë, të famshëm, Amnesty International dhe njerëz në të gjithë Pakistanin kanë shprehur zemërimin për sulmin. Kryetari i Partisë Popullore Pakistaneze, Bilawal Bhutto Zardari tha se incidenti “duhet të turpërojë çdo pakistanez” dhe se “flet për kalbjen në shoqëri”.
Pakistani është vendi i gjashtë më i rrezikshëm në botë për gratë, sipas hulumtimit nga Fondacioni Thomson Reuters. /Telegrafi/