Vladimir Putin po planifikon të largohet nga pozita e presidentit të Rusisë, në fillim të vitit të ardhshëm, mes frikës se nuk qëndron mirë me shëndet.
Sipas medieve të huaja, përcjell Telegrafi, të dhëna nga burimet e brendshme të Kremlinit thanë se, ai ka simptoma që lidhen me sëmundjen e Parkinsonit.
Hulumtuesit që studiuan pamjet e fundit të Putinit vunë re se, këmbët e tij vazhdimisht dridhëshin ku dukej se kishte dhimbje deri sa mbështetej në krahun e karriges.
Gishtat e tij gjithashtu dridheshin derisa mbante një stilolaps dhe shtrëngonte një filxhan, i cili besohej se përmbante një koktej qetësues.
Spekulimet se mbretërimit të tij 20-vjeçar mund të jetë afër fundit, u rritën në fillim të kësaj jave kur u hartuan disa ligje që e bëjnë atë deputet për gjithë jetën kur ai të jep dorëheqjen.
Legjislacioni i prezantuar nga vetë Putini, do t’i garantoj atij imunitet ligjor nga ndjekja penale derisa të vdesë.
Stafi i presidentit vazhdimisht ka hedhur poshtë pretendimet se, ai po hap rrugën për një largim nga politika. /Telegrafi/