Tani që vdekja e pronarit të Leicester Cityt, Vichai Srivaddhanaprabha dhe katër personave tjerë është konfirmuar, është publikuar një video e aksidentit të helikopterit.
Pamjet janë regjistruar nga një kamerë e sigurisë të shtunën mbrëma.
Aty shikohet teksa helikopteri largohet nga stadiumi King Power, për t’u rrëzuar më pas në një pjesë të parkingut.
Së bashku me Srivaddhanaprabha ishte katër persona tjerë, të gjithë të vdekur.
Biznesmeni tajlandez ka qenë një nga personat më të dashur te Leicesteri pasi ai mori klubin nga asgjë dhe arriti t’i bëjë kampion të Ligës Premier.
Vichai njihej edhe për bamirësitë e tij të mëdha në qytetin e Leicesterit.
Përplasja e helikopterit me tokën ka ardhur pas një problemi teknik në momentin e ngritjes. /Telegrafi/
https://www.youtube.com/watch?v=dZObZzgs274