PSG ka shënuar fitore me rezultat 3-1 ndaj Lille në shtëpi, në kuadër të javës së 21-të në Ligue 1.
Ishin mysafirët ata që kaluan të parët në avantazh me anë të Yusuf Yazicit (6’) i cili u gjend në vendin e duhur dhe në kohën e duhur brenda zonës për të shënuar për 1-0.
Yusuf yazıcı sahnede ⚽️
#yusufyazıcı #YY pic.twitter.com/aXStyE6zh6
— Cihan Yazıcı (@cihanyazici_) February 10, 2024
Reagimi i PSG-së erdhi shumë shpejt, pasi vendasit arritën që të barazojnë shifrat vetëm disa minuta më vonë, me anë të Goncalo Ramos (10’) i cili shënoi për 1-1.
Gonçalo Ramos equalises for PSG against Lille
— Sean Gillen (@SeanGillen9) February 10, 2024
Pas golit të barazimit, PSG-ja nuk u ndal dhe vazhdoi me sulme të njëpasnjëshme në drejtim të portës së Lille për të gjetur avantazhin.
Këtë e arritën kur lojtari mysafir Alexsandro (17’) shënoi në rrjetën e portës së tij, për t’i dhënë avantazhin prej 2-1 PSG-së.
Alexsandro OWN GOAL vs PSG #Ligue1 #PSG #Lille pic.twitter.com/1TlZUKwx4U
— MUHAMMAD zohaib (@theMzohaib) February 10, 2024
Në pjesën e dytë PSG-ja arriti që të shënojë edhe një gol tjetër, ani pse kjo pjesë u karakterizua me një lojë të qetë dhe pa raste të shumta.
Ishte Randal Kolo Muani (80’) i cili në portën e zbrazët arriti që të shënojë për 3-1 pas asistimit të Bradley Barcolas, për t’i dhënë fund dilemës së fituesit.
🇫🇷 Goal: Randal Kolo Muani | Paris Saint-Germain 3-1 Lille | 🅰️ Bradley Barcola pic.twitter.com/9JwhNVLAnU
— Live streams on @GOALSPOTHD | Follow (@RachellP8944) February 10, 2024
Pas kësaj fitoreje, Parisi shkon në kuotën e 50 pikëve duke pasur një distancë të konsiderueshme me vendin e dytë në tabelë Nice, që ka 39 sosh, por me një ndeshje më pak të luajtur./Telegrafi/