PSG në alarm, Mbappe pëson lëndim ndaj Metz – në rrezik ndeshja e Ligës së Kampionëve

Kylian Mbappe është dëmtuar në minutën e 87-të në fitoren 3-1 të Paris Saint-Germain ndaj Metz në ndeshjen e sotme. 

Sulmuesi kishte shënuar dy gola për ta çuar skuadrën e tij në epërsi para se të pësonte një dëmtim në kofshë në minutat e fundit.

Mbappe u zëvendësua nga Julian Draxler katër minuta më vonë, pasi nuk rrezikoi ta vazhdojë ndeshjen.

“Ai ka pasur një goditje në kofshë, por ai duhet të jetë mirë për të mërkurën”, ka thënë trajneri i PSG-së, Mauricio Pochettino.

Të mërkurën është ndeshja e parë gjysmëfinale e Ligës së Kampionëve, ku PSG takohet me Manchester Cityn. /Telegrafi/