Toulouse ishte viktima e radhës e Paris Saint-Germainit në kampionatin francez, skuadër të cilën e mposhti me rezultat 1-0 në udhëtim.
Gjysma e parë kësaj ndeshje nuk prodhoi gola, ndërsa goli i vetëm u realizua në fraksionin e dytë të lojës.
Sulmuesi fantastik, Kylian Mbappe, ia siguroi tri pikë skuadrës së tij me golin e shënuar në minutën e 74, duke afruar kampionin gjithnjë e më shumë drejt mbrojtjes së titullit në Ligue 1.
A good touch & a tidy finish from Kylian Mbappe, who scored his 27th goal of the season tonight 👑 🐢 #TFCPSG pic.twitter.com/IOsXnXzkDx
— GFFN Match Zone (@GFFNMatchZone) March 31, 2019
Paris Saint-Germaini qëndron 20 pikë përpara përcjellësit të parë Lille dhe ka një ndeshje më pak të zhvilluar. Skuadra e Toulouse është e 14-ta në renditje dhe qëndron larg zonës së rrezikut.
Në xhiron e ardhshme, PSG është nikoqir i Strasbourgut, ndërsa Toulouse e pret në shtëpi skuadrën e Nantes. /Telegrafi/