PSG e ka eliminuar Brestin nga Liga e Kampionëve me rezultat të përgjithshëm 10-0.
Pas 20 minutash lojë, parisienët kaluan në epërsi me anë të Bradley Barcolas, që u asistua prej Fabian Ruiz.
Në minutën e 39-të, Kvicha Kvaratskhelia e dyfishoi epërsinë e PSG-së me një asistim të Barcolas.
Pjesa e parë përfundoi me këto dy gola, ndërsa në minutën e 59-të, Vitinha shënoi për 3-0, ndërsa Ruiz ishte sërish në rolin e asistuesit.
Për 4-0 u përkujdes Doue (64’), ndërsa Goncalo Ramos ishte në listën e asistuesve.
Pesë minuta më vonë, radha për gol i erdhi edhe Nunon Mendes, që me një asistim nga Achraf Hakimi e çoi rezultatin në 5-0.
Edhe Ramos u fut në listën e golashënuesve, kur shënoi për 6-0 me asistimin e Doue.
Fitoren e PSG-së e vulosi Senny Mayulu kur shënoi për 7-0 në minutën e 86-të.
Të premten e kësaj jave, PSG do të mësojë emrin e kundërshtarit për 1/8 e finales. /Telegrafi/