PSG ka konfirmuar se Neymar pësoi një ndrydhje në kyçin e këmbës në fitoren e tyre ndaj Lille në Ligue 1 më 19 shkurt, dhe braziliani do t’i nënshtrohet testeve të mëtejshme në fillim të javës së ardhshme.
Braziliani përballet me një tjetër pushim të detyrueshëm për shkak të lëndimit në kyçin e këmbës, por kjo vjen në një kohë kur skuadra franceze po përballet me disa ndeshje të që mund të ndikojnë në rezultatin e sezonit të tyre.
31-vjeçari u rrëzua pas një përplasjeje me Benjamin Andre të Lille të dielën dhe kërkoi trajtim të gjatë pasi ndeshja u ndërpre.
Një deklaratë e PSG-së konfirmoi diagnozën, por nuk ishte e gatshme për një kornizë kohore për mungesën e tij.
“Testet shtesë kanë konfirmuar se Neymar Jr ka ndrydhur kyçin e këmbës, me disa lëndime të ligamenteve”, u ha në komunikatën e tyre.
“Ai do t’i nënshtrohet testeve të mëtejshme në fillim të javës së ardhshme”.
Nuk dihet ende nëse Neymar do të jetë i gatshëm për ndeshjen e dytë ndaj Bayern Munichut në Ligën e Kampionëve, aty ku pësuan humbje 1-0 në shtëpi.
L’Equipe raporton se braziliani me gjasë do të jetë jashtë fushe, pasi lëndimi është më serioz dhe do t’i duhet kohë për rikuperim. /Telegrafi/