Wayne Rooney beson se Paris Saint-Germain mund të triumfojë sonte në finalen e Ligës së Kampionëve, ku përballë do të ketë Bayern Munichun.
Bavarzët e kanë fituar garën më të madhe për klube në Evropë pesë herë, derisa për parisienët është finalja e parë në histori të tyre.
Në këtë përballje do të shohim lojtarët që tashmë kanë shpërthyer si, Neymar, Kylian Mbappe, Angel di Maria (PSG), po ashtu si Robert Lewandowski, Serge Gnabry e Ivan Perisic (Bayern Munich).
Rooney beson se skuadra franceze do të shpërthej sonte kundër gjermanëve, duke theksuar talentin e Neymarit dhe Mbappes.
“Do të jetë një ndeshje e hapur, mes dy skuadrave që janë shumë të mira në lojën ofanzive dhe do të krijojnë probleme për njëra-tjerën”, ka thënë legjenda angleze.
“Mendoj se me Neymarin dhe Mbappen, pa harruar Di Marian, PSG do të shpërthejë ndaj Bayernit”.
“Ata e kanë shansin dhe nuk mendoj se do e lëshojnë pa e fituar trofeun. Është një mundësi e artë për ta që të thyejnë akullin dhe të triumfojnë në Ligën e Kampionëve”, ka thënë ai për Sunday Times.
Rooney ka përmendur edhe pjesë defanzive, duke thënë se PSG qëndron më mirë aty, me Bayernin që di të ngecë në shumë raste. /Telegrafi/