Federata e Futbollit të Kosovës vazhdon traditën duke organizuar Superkupën Kosovë-Diasporë.
Nesër në orën 13:00 në Kampin Nacional në Hajvali, në organizim të Federatës së Futbollit të Kosovës do të zhvillohet ndeshja ndërmjet fituesit të Kupës së Kosovës, FC Prishtina dhe fituesit të Kupës së Kosovës për Gjermani, FC Kastrioti Stukenbrock.
Ky aktivitet është tradicional tash e disa vite dhe ka për synim që të afrojë bashkëatdhetarët tanë me vendlindjen, por njëherësh edhe promovon pasionin dhe talentin e futbollit të bashkëatdhetarëve tanë në Diasporë.
Prishtina është fituesi në fuqi i Kupës së Kosovës, pasi në finale mposhti Gjilanin me rezultat 2-0.
Fituesi në fuqi i Superkupës ‘Kosovë-Diasporë’ është skuadra e Llapit. /Telegrafi/