Sot është prezantuar projekti i ri i subqendrës në Klinë të Epërme.
Sipas njoftimit të Komunës së Skenderajt, ky është një investim publik që parasheh rregullimin e zonës qendër të këtij lokaliteti. Kjo subqendër do të ketë shëtitore, park për fëmijë e pjesë gjelbëruese, shkruan Telegrafi.
“Para qytetarëve të Klinës së Epërme, detaje të projektit kanë paraqitur kryetari i Komunës, Fadil Nura dhe nënkryetari Sami Lushtaku, të cilët i kanë siguruar banorët se projekti i Subqendrës do të ketë pjesë përbërëse elemente të një zone të urbanizuar, duke filluar nga shëtitorja, ndriçim publik, park për fëmijë, pushimore dhe pjesën gjelbëruese”, thuhet në njoftimin e Komunës së Skenderajt.
Tutje thuhet se janë nisur edhe tri projekte të tilla në Runik, Likoc dhe Çirez, e të cilat siç njofton Komuna, pritet të përfundojnë brenda dy vjeçarit të ardhshëm. /Telegrafi/
