Presidenti i Turqisë, Recep Tayyip Erdogan, ka shkruar për ndeshjen e ndërprerë mes PSG-së dhe Basaksehir.
Ndeshja u ndërpre në fillim të saj, kur gjyqtari i katërt, me shprehje raciste iu drejtua Pierre Webos, njërit nga anëtarët e stafit të klubit turk.
Ekipet vendosen që të mos e vazhdojnë ndeshjen, duke e lënë fushën, ndërsa për këtë rast ka reaguar edhe presidenti i Turqisë, Recep Tayyip Erdogan.
“Dënojmë me forcë shprehjet raciste të bëra ndaj Pierre Webo, një prej anëtarëve ekipit teknik të klubit që na përfaqëson ne, Başakşehir, dhe unë besoj se hapat e nevojshëm do të ndërmerren nga UEFA”.
“Ne jemi pa kushte kundër racizmit dhe diskriminimit në sport dhe në të gjitha fushat e jetës”, ka shkruar Erdogan.
Temsilcimiz Başakşehir’in teknik ekibinden Pierre Webo’ya karşı sarf edilen ırkçı sözleri şiddetle kınıyor, UEFA tarafından gereken adımların atılacağına inanıyorum.
Sporda ve hayatın tüm alanlarında ırkçılığa ve ayrımcılığa kayıtsız şartsız karşıyız. #Notoracism
— Recep Tayyip Erdoğan (@RTErdogan) December 8, 2020
Ndeshja është vendosur të zhvillohet nesër, ku katër gjyqtarë të rinj do të jenë në krye të detyrës. /Telegrafi/