Presidenti i Napolit, Aurelio De Laurentiis ka lënë të kuptohet se trajneri Luciano Spalletti do të largohet këtë verë.
Tensioni midis De Laurentiis dhe Spalletti po rritet pasi trajneri është i pakënaqur me mënyrën se si klubi e trajtoi zgjatjen e kontratës së tij.
Napoli aktivizoi një klauzolë për të zgjatur qëndrimin e tij në klub deri në vitin 2024 duke informuar Spallettin përmes një e-maili.
Trajneri i lindur në Certaldo priste një trajtim ndryshe pasi fitoi titullin e parë të Serie A në 33 vjet te Napoli dhe raportet e shumta në Itali thonë se 64-vjeçari do të largohet nga Stadio Diego Armando Maradona në fund të sezonit.
Edhe De Laurentiis u duk se konfirmoi largimin e trajnerit gjatë një ngjarjeje në Napoli të premten mbrëma.
“Spalletti është një as dhe asi duhet të ketë një fushë për të dhënë më të mirën e tyre”, ka thënë fillimisht presidenti i Napolit për La Gazzetta dello Sport.
“Ai e gjeti tek ne dhe gjithçka ka funksionuar mirë. Me siguri është më mirë nëse ai qëndron, por në jetë, liria është një e mirë e pamatshme dhe e paçmueshme, nuk duhet t’i këpus krahët askujt, pasi askush nuk duhet ta bëjë me mua”.
“Gjëja e rëndësishme është të jesh mirënjohës për atë që ka marrë”, përfundoi De Laurentiis.
Spalletti lontano dal #Napoli. De Laurentiis: “Le ali non vanno tarpate” https://t.co/Dhc5yMBaqL
— La Gazzetta dello Sport (@Gazzetta_it) May 19, 2023
Sipas Gazzetta dello Sport, Spalletti dhe De Laurentiis mund të takohen përsëri gjatë dy ditëve të fundit për të parë nëse është e mundur të vazhdojnë së bashku, por presidenti ka filluar tashmë kërkimin për një pasardhës.
Spalletti ka një klauzolë prej tetë milionë euro në kontratën e tij me Napolin. /Telegrafi/