Lionel Messi ka qenë tejet i zemëruar me gjyqtarin ekuadorian, Roddy Zambrano, i cili po akuzohet se në dy raste nuk ka treguar në pikën e bardhë në dobi të Argjentinës.
Kjo e fundit ka pësuar humbje në gjysmëfinalen e Kupës së Amerikës kundër Brazilit me rezultat 2-0, e cila ndeshje shkaktoi polemika shkaku i disa vendimeve kundërthënëse të gjyqtarit.
Tashmë kanë dalë edhe disa informata se në ndeshje, gjyqtarit nuk i ka funksionuar sistemi i komunikimit me dhomën e VAR-it. Edhe këtë e ka konfirmuar CONMEBOL, por që kjo nuk ka zgjatur shumë gjatë zhvillimit të takimit.
Portali brazilian, Globo beson se sigurimi i presidentit brazilian, Jair Bolsonaro, i cili ishte në ndeshjen e zhvilluar në Belo Horizonte, ka shfrytëzuar frekuencat e njëjta të radiolidhjeve sikurse gjyqtari kryesor.
WATCH OUT: a potential bomb scandal is pending over Brazil-Argentina.
In this thread the details of the case that is mounting in South America about the two penalties not awarded.
Argentina officially requested audio files of Var room to know the exact talks. Why?
Check next👇— Tancredi Palmeri (@tancredipalmeri) July 3, 2019
Ndërmarrja e telekomunikacionit Anatel ndërhyri dhe zgjidhi problemin, por u dha të gjithë argjentinasve të drejtën për të dyshuar se pse ka ndodhur ky incident i vogël.
“Unë shpresoj se CONMEBOL do të sqarojë situatën, por mendoj se nuk do ta bënë këtë sepse Brazili kontrollon gjithçka. Është shumë e komplikuar”, tha Messi pas ndeshjes.
“Ne pamë të njëjtën gjë si ju”, shkruan në njoftimin e federatës argjentinase në Twitter pas një rishikimi të VAR-it.
Ndryshe, organizatorët kanë reaguar duke thënë se sigurimi i presidentit nuk ka përdorur frekuencën e njëjtë si të gjyqtarit kryesor, por konfirmoi se kishte një problem të vogël me sinjalin që menjëherë e riparuan. /Telegrafi/
@Argentina 🇦🇷💙 pic.twitter.com/xhEgEBp2FY
— AFA (@afa) July 3, 2019