Presidenti i Argjentinës, Javier Milei ka udhëtuar sot me një fluturim komercial për në Forumin Ekonomik Botëror në Davos të Zvicrës dhe gjatë fluturimit ka bërë selfie me pasagjerët.
Ky është udhëtimi i parë i Mileit përtej oqeanit që kur ai mori detyrën muajin e kaluar, raporton reuters.
Kur u pyet nga gazetarët gjatë verës në lidhje me planet për Davosin, Mileit tha se ai synonte të sillte idenë e lirisë në një forum që ai tha se ishte “i ndotur me një agjendë socialiste të vitit 2030 që do të sjellë vetëm mjerim në botë”.
Javier Milei, sendo Presidente da Argentina, viaja num avião comercial com o povo, sem jatos particulares e sem atenção especial, uma grande diferença entre Milei e a casta política comunista. pic.twitter.com/DfhSJWKAPD
— MSP-Movimento Sem Picanha (@mspbra) January 16, 2024
Në llogarinë personale të platformës X, Milei publikoi video duke hipur në aeroplan.
Zëdhënësi i tij, Manuel Adorni tha se Milei udhëtoi me një fluturim komercial për të kursyer më shumë se 300 mijë dollarë.
Përveç pjesëmarrjes në Davos, delegacioni argjentinas do të takohet edhe me kryetaren e Fondit Monetar Ndërkombëtar (FMN), Kristalina Georgieva.
Milei po përballet me sfida për të zgjidhur krizën e madhe ekonomike në vend – për të frenuar inflacionin vjetor që është mbi 200 për qind, për të siguruar rezervat valutore që tani janë në të kuqe dhe për të tërhequr sërish investime. /Telegrafi/