Telegrafi

Postecoglou pritet të emërohet trajner i ri i Tottenhamit, ky mund të jetë formacioni i ri me tri transferime

Greku Ange Postecoglou është njeriu që pritet të ngarkohet si trajner nga drejtuesit e klubit londinez për të marrë frenat e Tottenham Hotspur.

Trajner i Celticut thuhet se është përzgjedhur nga kryetari Daniel Levy pasi kërkimit të tij për pasardhësin e përhershëm të Antonio Contes në Londrën Veriore i ka ardhur fundi.

57-vjeçari sigurisht që ka një punë të madhe në duart e tij për të rindërtuar skuadrën pas një sezoni të trazuar që pa Spurs të përfundojnë në vendin e tetë në Ligën Premier.

Puna tashmë ka nisur me një numër objektivash të mundshëm transferimi që tashmë janë identifikuar.

Postecouglu thuhet se ka pranuar ofertën e Tottenhamit

Është mediumi britanik Mirror Football që ka përpiluar një skuadër se si Postecoglou mund të luajë në ditën e parë të sezonit të ardhshëm.

Një nga ndryshimet më të dukshme që Postecoglou duhet t’i bëjë skuadrës së Spurs është pozita e portierit. Kapitenit aktual të klubit Hugo Lloris i skadon kontrata këtë verë dhe duket se do t’i japë lamtumirë ekipit londinez.

Edhe nëse francezi vendos të qëndrojë, Spurs duhet të bëjnë një ndryshim midis shtyllave. David Raya duket si opsioni më i dukshëm me spanjollin që pritet të largohet nga Brentford këtë verë dhe tashmë është në listën e ngushtë të Spurs.

Kalimi në mbrojtjen me katër në formacionin e preferuar 4-3-3 të Postecoglou mund të shohë disa ndryshime. Të ardhurit e fundit Pedro Porro dhe Cristian Romero duhet të ruajnë pozicionet e tyre, pavarësisht se ka disa dyshime për përshtatshmërinë e të parëve në një katërshe.

Ben Davies mbetet si mbrojtësi i majtë më i mirë i Spurs, kështu që duhet të paraqitet rregullisht. Ndryshimi i vetëm në mbrojtje mund të jetë ylli i Wolves, Max Kilman.

26-vjeçari kohët e fundit është shfaqur si një objektiv për klubin londinez pas paraqitjeve të tij të vazhdueshme në Molineux. Ai ka ende tre vjet në kontratën e tij aktuale, kështu që mund të mos jetë i lirë për tu nënshkruar.

Kalimi në mesfushë dhe Spurs mund të synojnë potencialisht një tjetër yll të Ligës Premier.

James Maddison përballet me një të ardhme të pasigurt me Leicester Cityn pas rënies së Dhelprave në Championship.

Ai pritet të largohet nga King Power Stadium dhe Spurs mund të jenë klubi i tij i ri, duke e vendosur në një mesfushë së bashku me Pierre-Emile Hojbjerg dhe Yves Bissouma – dyshja që janë favorit për këto dy pozita mes mungesës së vazhdueshme të Rodrigo Bentancur shkaku i dëmtimeve.

Në sulm nuk pritet të ketë ndryshime pasi Harry Kane pritet t’i prijë skuadrës, ndërsa nga krahët do të mbështetet nga Son Heung-min dhe Dejan Kulusevski.

Formacioni i Tottenhamit të Ange Postecoglou

/Telegrafi/