Manchester City në gol nuk e ka një portier, por një lojtar të 11-të i gatshëm që të luaj në secilën pozitë dhe të gjuaj nga secila pozitë.
Braziliani u transferua për 35 milionë funte nga gjiganti portugez, Benfica, verën e kaluar, me veçoritë e tij kryesore aftësia e lartë teknike e kontrollimit të topit dhe degazhimet super precize që iu përshtatën filozofisë së Guardiolas.
Të dielën pas barazimit ndaj Burnleyt ishte trajneri i kësaj skuadre që e lëvdoi si një armë shtesë në ekipin e Cityt dhe stilit të lojës së ekipit nga Ettihad Stadium.
Ederson zbuloi se ai do të gëzohej nëse një ditë do të kishte mundësi të largonte dorezat dhe të luante më lart në fushë si mesfushor. Madje, ai thotë se është ekspert i gjuajtjeve të lira.
“Kur kam luajtur për të rinjt e Benficas, ata gjithmonë më ftonin në mesfushë nëse dikush mungonte dhe kurrë nuk e tupërova veten. Kështu, jam i gatshëm për një detyrë të tillë. Nuk do të ishte e lehtë, sidomos në Ligën Premier, por mendoj se do të mund ta menaxhoja këtë sfidë”.
“Janë aq shumë lojtarë të mirë në këtë ekip që janë para meje”, thotë ai duke qeshur.
“Gjithmonë kam qenë komod me topin në këmbë dhe kjo më ndihmon gjatë ndeshjeve. Mendoj se është talent natyral”.
“Është një gjë në të cilën kam punuar që nga ditët e para në Sao Paulo dhe me kalimin e kohës kam tentuar t’i përmirësoj shkathtësitë e mia. Por, ehe kur kam luajtur në akademinë lokale, unë kam tentuar t’i tregojë aftësitë me këmbë. Madje kam shënuar edhe disa gjuajtje të lria”.
“Një prej trajnerëve të mi më enkurajoi që ta provoj këtë. Në fillim, unë nuk kam dashur që të ekzekutoj ndonjë gjuajtje të lirë, por ai më detyroi ta bëj ëktë. Më pas unë kam filluar të shënoj disa gola dhe gjithçka ndryshoi. Por, unë nuk e bëj më këtë. City ka shumë specialistë në këtë fushë”, deklaroi Ederson për FourFourTwo.
/Telegrafi/
