Portieri i Nottingham Forest, Brice Samba, pësoi një dëmtim tronditës në kokë në fitoren e tyre 2-1 ndaj rivalëve Derby County sot (e shtunë) pasdite.
Samba mbeti me një ënjtje të konsiderueshme në kokë pas përplasjes me kapitenin e Derbyt, Tom Lawrence, në pjesën e parë të ndeshjes së Championship në City Ground.
27-vjeçari u përplas me Lawrence pasi pati një duel me sulmuesin e Derbyt për topin në fund të pjesës së parë.
state of Brice Samba’s face right now 🤢 pic.twitter.com/6SIv6CjShD
— Joe (@Jatkin99__) January 22, 2022
Portieri i vendasve u trajtua në fushë për disa minuta, derisa u bë gati për rifillimin e ndeshjes.
Megjithatë, Samba u lejua të luante dhe u rishfaq për t’i ndihmuar bashkëlojtarët e skuadrës për pjesën e dytë, megjithëse me kokën e tij të fashuar rëndë.
Disa tifozë në rrjetet sociale shprehën mosbesimin e tyre se Samba ishte lejuar të vazhdonte ndeshjen. /Telegrafi/
Brice Samba that is vile 🤢 pic.twitter.com/54FI9Rb2su
— Jord (@JB_SUFCx) January 22, 2022