Para pak çastesh, FIFA vendosi sanksione ndaj Rusisë shkaku i pushtimit të Ukrainës.
Shtëpia e futbollit botëror vendosi që kombëtarja ruse të luante në një terren neutral, pa himn, pa tifozë dhe pa flamur në play-off-in e Kupës së Botës.
Mirëpo, këto sanksione nuk janë pranuar nga Polonia, me presidentin Cezary Kulesza që ka thënë se janë të papranueshme.
“Vendimi i sotëm i FIFA-s është krejtësisht i papranueshëm. Ne nuk jemi të interesuar të marrim pjesë në këtë lojë paraqitjesh. Qëndrimi ynë mbetet i paprekur: Kombëtarja e Polonisë NUK do të luajë me Rusinë, pavarësisht se si do të quhet skuadra”, thuhet në reagimin e tij.
Polonia në ditën e shtunë bëri të ditur se nuk do të luajë kudnër Rusisë dhe tani ka konfirmuar edhe një herë qëndrimin e tyre.
Suedia dhe Republika Çeke po ashtu nuk duan të luajnë ndaj kombëtares ruse, ndërsa mbetet të shihet se cili do të jetë vendimi tjetër i FIFA-s. /Telegrafi/
Today’s FIFA decision is totally unacceptable. We are not interested in participating in this game of appearances. Our stance remains intact: Polish National Team will NOT PLAY with Russia, no matter what the name of the team is.
— Cezary Kulesza (@Czarek_Kulesza) February 27, 2022