Ky është momenti kur një gjyshe gjendet e gjallë, pasi për plotë katër orë kishte duruar dhimbje të mëdha nga sulmi i një pitoni katër metërsh.
Arrom Arunroj, 64-vjeçe, po pastronte rrobat në kuzhinë në Samut Prakan të Tajlandës, kur ndjeu një kafshim dhe dhimbje të madhe në kofshën e djathtë, transmeton Telegrafi
Ajo fillimisht mendoi se ishte një zhapik që e kishte kafshuar, por kur lëvizi kokën pas pitonin katër metërsh që po i mbështillej në këmbë.
Atë e kaploi paniku dhe tentoi t’ia largojë kokën pitonit me shpresën se do t’i shpëtojë më të keqes.
Megjithatë, ajo u rrëzua duke i mundësuar pitonit 20 kilogramësh që të mbështillet në trupin e saj.
Kjo e ve u orvat për më shumë se dy orë duke bërtitur, por që në fund e dëgjuan fqinjët që i telefonuan policisë.
Ata e gjetën të lënduar dhe ulur në tokë. Kraharori kishte marrë ngjyrë tjetër kurse kishte plagë në këmbë ku edhe e kishte kafshuar pitoni.
Pasi e shpëtuan është dërguar me urgjencë në spital për trajtim. /Telegrafi/
