Ky është momenti kur një nënë reagon me shpejtësi të “dritës”, për ta shpëtuar nga rrëzimi me kokë në beton djalin e saj të vogël.
Kamerat e sigurisë kanë kapur momentin kur vogëlushi që ishte në një karrocë me rrotë, arrin të dalë nga dyert e shtëpisë në Handan të provincës kineze Hebei dhe të lëshohet shkallëve, transmeton Telegrafi.
Në ato momente e ëma e tij po pastronte me fshesë oborrin dhe ia kishte kthyer shpinën, por sapo dëgjoi zhurmën e rrotave e kuptoi se diçka nuk është në rregull.
Në momentin që djali i saj filloi të bie nga shkallët me karrocë, ajo vrapoi me shpejtësi të “dritës” dhe me shkopin e fshesës ia mbajti kokën që të mos i përplaset në beton.
E kjo bëri që vogëlushi të shpëtojë pa ndonjë lëndim. Për këtë reagim të shpejtë është lavdëruar nga masa që kanë pasur rastin ta shohin videon. /Telegrafi/
