Kamera e vendosur brenda një veture në lëvizje ka kapur një pamje të pazakontë në rrugët e Kinës.
Derisa një veturë po lëvizte në një zonë malore në një ditë me shi në Shennongjia të provincës kineze Hubei, një copë e madhe e grupit u shkëput nga shkëmbi dhe ra në asfalt pak centimetra larg veturës, transmeton Telegrafi.
Në video shihet vetura duke lëvizur në zonën malore, kur krejt befasisht copa e madhe e gurit shkëputet nga shkëmbi dhe bie pranë mjetit motorik, por shoferi reagoi në kohë për të shmangur më të keqen.
Shumë po e konsiderojnë si mrekulli, ndërsa ky incident ka rritur shqetësimet për sigurinë publike në këtë shtet aziatik, duke u theksuar se rrugët janë shumë të rrezikshme për t’u frekuentuar.
Disa i bëjnë thirrje autoriteteve që të mbyllin këtë rrugë menjëherë dhe të ndërmarrin masat e duhura, që të ofrojnë më shumë siguri për ngasësit.
Mediat kineze raportojnë se askush nuk është lënduar në këtë incident, që u filmua me kamerë amatore që ishte e vendosur brenda një veture. /Telegrafi/
