PlayStation Now është një shërbim i lojërave cloud i ofruar nga Sony që u lejon lojtarëve të luajnë lojëra nga konzolat e gjeneratës së vjetër nëpërmjet internetit në pajisjet e tyre si Sony, Xbox, PC etj.
PlayStation Now nga Sony është një shërbim që lejon lojtarët të kenë qasje në video-lojëra të ndryshme nga biblioteka e lojërave të Playstation dhe mund t’i luajnë ato lojëra në pajisjet e tyre përmes shërbimit cloud.
Pra, nëse keni abonim në PlayStation Now, mund të luani video-lojërat të cilat ishin të disponueshme qysh nga gjenerata e PlayStation 2 dhe më lart, drejtpërdrejt nga konzolat tuaja ose Playstation ose në kompjuterin tuaj.
Çdo muaj Sony dhe Playstation shpallin lojëra të reja të cilat shtohen në bibliotekën ekzistuese, këtu është lista e të gjitha lojërave që vijnë në PlayStation Now gjatë muajit prill 2022:
WRC 10 FIA World Rally Championship
WRC 10 FIA World Rally Championship është një lojë simuluese e garave jashtë rrugës. Loja bazohet në kampionatin e vërtetë World Rally Racing (WRC) dhe lojtarët mund të përjetojnë nga dora e parë se si ndihen garuesit e garave pas atyre rrotave.
Werewolf: The Apocalypse – Earthblood
Werewolf: The Apocalypse – Earthblood është një lojë aksioni me role e lansuar me 4 shkurt 2021.
Outer Wilds
Outer Wilds është një lojë aksion-aventurë e zhvilluar nga Mobius Digital dhe e publikuar nga Annapurna Interactive.
Journey to the Savage Planet
Journey to the Savage Planet është një lojë aventureske e vitit 2020 e zhvilluar nga Typhoon Studios dhe e publikuar nga 505 Games.
/Telegrafi/