‘Special One’ i ka planifikuar ndryshimet e verës, sapo të marrë kontrollin në “Old Trafford”.
Klubi i njohur anglez është i vendosur për të bërë një rregullim të madh gjatë verës, duke sjellë shtatë lojtarë të rinj. Trajneri në ardhje, Jose Mourinho, ka shpenzuar tre muaj udhëtime në kampionatet e Evropës, në misione “bojskautizmi” personal, në kërkim të objektivave.
Ai ia ka bërë të qartë bordit drejtues të Manchester United që, nëse janë seriozë në lidhje me sezonin e ardhshëm të Ligës Premier, duhet të jenë të përgatitur për ndryshime të mëdha në organikën e skuadrës.
Mbrojtësi i Evertonit, John Stones, është një prioritet për Mourinhon, që shikon situatë alarmante në mbrojtjen e “Djajve të Kuq”. Mourinho bëri tri oferta deri në 50 milionë funte për Stones verën e kaluar, kur ishte në stolin e Chelsea, por Evertoni nuk ishte i gatshëm për të bërë biznes me 21-vjeçarin në këtë kohë, pas një sezoni të vështirë në “Goodison Park”.
Ndryshimet mbrojtëse nuk mund të ndalen këtu, me Ezequiel Garay e Zenit St Petersburg në shënjestër.
Mourinho beson se Manchester United ka nevojë për një përforcim në qendër të mbrojtjes dhe argjentinasi është i duhuri. Mourinho kërkon të ketë mundësi zgjedhjeje në sulm. Ai nuk mund të besojë vetëm tek Anthony Martial dhe Marcus Rashford, dy lojtarë që dëshiron të punojë me to.
Për këtë, ka gjasa të sjellë Zlatan Ibrahimovic në “Old Trafford”, për të pasur një pikë referuese përpara. Ylli i Interit, Mauro Icardi, është shikuar disa herë, por edhe sulmuesi i Juventusit, Alvaro Morata, pëlqehet.
Një marrëveshje me këtë të fundit mund të rezultojë e komplikuar, pasi në lojë është Real Madridi. Të dy sulmuesit vijnë me një çmim prej rreth 40 milionë funte dhe Mourinho do të jetë i lumtur nëse ia del të ketë njërin prej tyre në skuadrën e tij. Por, sugjerimet në Itali tregojnë edhe për një tjetër objektiv, në rolin e sulmuesit, i cili është ylli i Napolit, Gonzalo Higuain, i cili shënoi 36 gola në 35 ndeshje të luajtura në Seria A, sezonin e kaluar.
PSG është, gjithashtu, në gjueti për yllin 28-vjeçar nga Argjentina, por Mourinho duket se ia ka bërë të qartë atij se dëshiron ta ketë në “Old Trafford”. Mesfusha është zona e fundit e shqetësimit për portugezin, me Michael Carrick, që ka gjasa t’i ofrohet një marrëveshje e re.
Pikëpyetje ka përreth përshtatshmërisë së Bastian Schweinsteiger, mbi ritmin dhe fuqinë e tij për futbollin anglez. Wayne Rooney mund të luajë në mesfushë me trajnerin e ri, por Mourinho kërkon dy fytyra të reja në skuadrën e tij, duke e konkurruar atë për titullar.
Renato Sanches ka qenë në listën e tij, por Manchester United e humbi betejën me Bayern Munich. Po ashtu, ka edhe dy lojtarë portugezë, që kanë rënë në syrion e “Special One”. Andrea Gomes, 22 vjeç, do të kushtonte rreth 15 milionë £, luan te Valencia. Tjetri është pjesë e Sporting Lisbonës, Joao Mario, 23 vjeç. Mourinho beson se ai mund të ofrojë sportivitet dhe disiplinë në qendër të fushës.