Më 1 mars me një atmosferë sportive është mbajtur kampionati individual i pingpongut për senior në Lihtenshtajn, ku ish-lojtari i KPP Prishtina, Linor Çitaku, zuri vendin e parë.
Ai tregoi formën e tij më të mirë duke shënuar të gjitha fitoret bindëse, ku në finale u ballafaqua me kampionin e Lihtenshtajnit, Asad Keucheyan, të cilin e mposhti me rezultat 3-0.
Pas ndeshjes ai u shpreh i kënaqur që ka mposhti kampionin e Lihtenshtajnit ku edhe tregoi për konkurrencën që pati në kampionatin kombëtar të Lihtenshtajnit.
“Për mua është kënaqësi që dola i pari në Kampionatin kombëtar 2020, ku edhe mposhta në finale kampionin e Lihtenshtajnit. Në këtë kampionat kishte konkurrencë të madhe meqë kishte lojtarë edhe nga shtetet fqinje përfshi këtu edhe nga Zvicra” u shpreh Çitaku.
Poashtu në kategorinë çifte meshkuj është bërë kampion së bashku me Asad Keucheyan.
Linor Çitaku para se zhvendosej në Vaduz të Litenshajnit, ku ka përfunduar studimet Master në Arkitekturë në Universitetin e Lihtenshajnit, ishte kampion i shumëfishtë i Kosovës në pingpong. Ai është lojtar kyç në klubin e Pingpongut TTC Triesen.