Organizatori PGL ka zbuluar datat e turneve kualifikues RMR për Majorin e Counter-Strike 2, si dhe atë të turneut kryesor që do të mbahet vitin e ardhshëm.
Datat e kualifikimeve Rajonale Major Ranking për Majorin e parë të CS2 janë shpallur nga organizatori i turneut, PGL, ato do të zhvillohen midis 14 shkurtit dhe 4 marsit, shkruan HLTV.
Turnetë kualifikues për Major – RMR do të zhvillohen njëra pas tjetrës, ngjarjet RMR do të fillojnë me rajonin evropian, nga data 14-24 shkurt për të vazhduar me atë të Azisë në 26-29 shkurt dhe së fundi RMR e Amerikës më 1-4 mars.
Majori do të nisë më pas me një fazë katër ditore Challengers nga data 17-20 mars, e ndjekur menjëherë nga Legends Stage me 21-24 mars.
Faza e Kampionëve, play-off, do të luhet më pas para një turme në Royal Arena në Kopenhagë, Danimarkë, më 28-31 mars. /Telegrafi/