Është vetëm 26-vjeçar mirëpo gati ta përfundoi karrierën e tij si futbollist.
Mbrojtësi senegalez, Pape Souare pësoi një aksident të tmerrshëm gjatë muajit shtator dhe ende është jashtë fushave të blerta.
Pas aksidentit të pësuar, trajneri i Crystal Palace, Alan Padrew kishte deklaruar se mbrojtësi pritet të mungoi gjashtë muaj.
Mirëpo vetë afrikani ka deklaruar se nuk e di nëse do t’i kthehet fushave të blerta.
“Unë ende nuk e di nëse do të mund të kthehem e të luaj futboll. Nuk është në dorën time”, ka thënë Souare për BBC.
26-vjeçarin e kishin nxjerrë zjarrëfikësit me vështirësi nga makina e tij, ndërsa ai kishte thyer nofullën e tij dhe këmbën.
“Në muajin e parë nuk kam mundur të ha lirishtë. Tani është më mire dhe i falënderohem zotit që jam gjallë”.
“Nëse do të luaj apo jo do të varet vetëm nga dëshira e zotit, shpresoj të mund të luaj sërish dhe mos ta përfundoi karrierën në këtë mënyrë”, tha Souare. /Telegrafi/
