Përshtypja e parë, shkruan Independent, krijohet në vetëm katër sekonda, gjatë të cilave mjaftojnë pesë lëvizje të thjeshta për të dalë fitues.
Takimi i parë, intervistë pune, njohje të reja. Në situate të ndryshme duhet t’u lësh përshtypje të mirë me pamje të parë, personave që mjaftohen me pak sekonda për të formuar një gjykim për personalitetin tuaj. Në bazë të atij gjykimi, ata mund të vendosin nëse do dalin sërish me ju për një takim tjetër, t’ju marrin në punë apo të bëhen miqtë tuaj.
Për të shfrytëzuar në maksimum sekondat që përcaktojnë vazhdimin e marrëdhënies me të saponjohurin, Nicholas Boothman, ka shkruar në librin “How to Make People Like You in 90 seconds” strategjitë fitimtare për të goditur në shenjë.
Jini të hapur
Në takimin e parë, gjuha e trupit është thelbësore. Për t’u treguar të hapur ndaj njohjes duhet të dërgoni shenja fizike që e konfirmojnë dëshirën tuaj për këtë. Për të goditur në zemër personin që keni përballë, duhet të shfaqim tonën. Literalisht. “Mos e mbuloni zemrën me duar, apo krahë. Dhe, nëse keni veshur xhaketë, zbërthejeni.”
Kërkoni shikimin në sy
Mos e hiqni shikimin në takimin e parë. Kërkoni sytë e tjetrit dhe lini që sytë tuaj të shprehin mirësi. Edhe sytë, janë në gjendje të qeshin. Megjithatë mos ia ngulni sytë tjetrit gjatë gjithë takimit. “Mund të duket mungesë edukate”.
Qeshni
Buzëqeshja është kartëvizita më e mirë dhe u lë njerëzve të kuptojnë që jeni të sinqertë. Kjo buzëqeshje do e ndihmojë tjetrin të kujtohet për ju.
Përshëndetja
Në çastin që shqiptohet fraza “gëzohem që ju njoha”, toni i zërit tonë duhet të jetë i gëzuar, shkruan revista class. Shtrëngojeni dorën kur tjetri prezantohet, përsërisni emrin e tjetrit… Gëzohem që ju njoha, Sara.
Afrohuni
Nuk duhet t’u hidheni sipër personave që sapo keni njohur, as t’u vini rrotull, por të shoqëroni shtrëngimin e duarve me një përkulje të lehtë të trupit drejt personit tjetër, tregon gatishmërinë për t’iu afruar dhe për t’u hapur ndaj tij. /Telegrafi/