Kosova në konkurrencën e femrave gjatë këtij muaji do t’i zhvillojë dy ndeshjet e radhës në kuadër të kualifikimeve për Botërorin 2023.
Dardanet do të përballen me Norvegjinë, më 7 prill në Sandefjord dhe më 12 prill më Belgjikën në Prishtinë.
Kosovën në këto ndeshje do ta udhëheq stafi i ri i trajnereve nga Suedia, në krye me Anneli Karin Andersen.
Kjo e fundit për këto dy ndeshje do t’i ketë në dispozicion 24 futbolliste.
Ekspedita e Kosovës udhëton të hënën në Sandefjord, ku do t’i zhvillojë disa stërvitje para përballjes me Norvegjinë.
