Kombëtarja e Gjermanisë ka marrë një fitore të çmendur në sekondat e fundit ndaj Suedisë.
Gjermanët ishin në disavantazh nga pjesa e parë por fillimisht rezultatin e barazoi Marco Reus.
E në minutën e 95-të, Toni Kroos shënoi një gol spektakolar për t’i dhënë tri pikët Gjermanisë.
Me tu shënuar goli i fitores të gjithë nga banka rezervë e Gjermanisë shkuan për ta festuar golin.
E në këtë moment kishte reagime nga suedezët në veçanti nga trajneri Janne Andersson me menaxherin e Kombëtares së Gjermanisë, Olivier Bierhoff.
Fillimisht pat përleshje të vogla ndërmjet stafeve të të dyja Kombëtareve por reagoi gjyqtari dhe gjakrat u ftohën.
Suedezët akuzuan se gjermanët në momentin që po shkonin të festonin golin kanë fyer ata në bankë dhe kjo ka bërë që të reagojnë.
Gjithsesi në fund të ndeshjes dy Kombëtaret u treguan korrekte dhe ‘fair play’, pasi edhe Bierhoff edhe Andersson i zgjatën dorën njëri tjetrit. /Telegrafi/
