Trajneri i Manchester United, Erik ten Hag pati përgjigjen perfekte kur disa fëmijë e pyetën nëse klubi po nënshkruante me Kylian Mbappen dhe Jude Bellingham.
Djajtë e Kuq janë lidhur me një lëvizje për mesfushorin anglez – krahas gjigantëve të tjerë evropianë. Megjithatë, një lëvizje për francezin duket shumë më pak e mundshme sesa një marrëveshje me të parin.
Por, kjo nuk e ndaloi një fëmijë që të pyeste, ndërsa Ten Hag ndaloi për të nënshkruar autografe dhe për të bërë fotografi gjatë rrugës për në Carrington: “A mendon se do të nënshkruash me Jude Bellingham?”.
Ten Hag filloi t’i përgjigjej: “Dua, por” dhe para se holandezi të përfundonte fjalinë e tij, tifozi e ndërpreu: “Apo Mbappen?”.
Dhe holandezi nuk pati kohë as t’i përgjigjej pjesës së dytë të pyetjes përpara se një fans tjetër të shtonte mendimin e tij: “a mund t’i marrësh të dy?”. Më në fund strategu mundi të përgjigjej: “Ah, a keni ndonjë qindarkë për mua?”.
Turma e mbledhur qeshi, para se njëri të thoshte: “Ne do t’ju gjejmë paratë. Ju vetëm vazhdoni të bëni atë që po bëni, ne do t’i gjejmë paratë”.
Erik ten Hag wants Jude Bellingham and Kylian Mbappe 😅 (IG/astarfootballmemorabilia) pic.twitter.com/8QM56rq5ga
— GOAL (@goal) January 8, 2023
United është aktualisht në treg për një sulmues, pasi ka humbur Cristiano Ronaldon pas intervistës së tij me Piers Morgan në nëntor.
Djajtë e Kuq janë lidhur me Wout Weghorst – i cili duket se do të transferohet në Old Trafford si huazim nga Burnley. /Telegrafi/