Defektet
Hulumtimi i bërë në universitetet Manchester e Sheffield kanë zbuluar që konsumimi i marihuanës mund të ketë ndikim serioz në fertilitetin e mashkullit. Mirëpo, me gjithë mendimin e rrënjosur të deritashëm nuk janë gjendur lidhjet se a kanë ndikim të njëjtë alkooli dhe veshjet e ngushta të brendshme.
Hani pemë e perime të kuqe
Në raportin të cilin e ka botuar klinika e Klivlendit, është treguar që konsumimi i likopenit përmirëson cilësinë e spermatozoideve. Likopeni është materie e rëndësishme ushqyese e cila më së shpeshti gjendet në pemë dhe perime të kuqe siç janë: domatja, shalqiri, dredhëzat, qershitë dhe specat.
Rrini larg laptopit dhe aparateve të mençura
Hulumtimi i botuar në revistën Fertility and Sterility, transmeton Telegrafi, ka konstatuar ekzistimin e lidhjes midis përdorimit të laptopit me rrjetit Wi-Fi dhe cilësisë së keqe të spermës.
Mos vozisni biçikletën
Një studim spanjoll i Qendrës së Andaluzisë për mjekësi sportive dhe Universitetit në Las Palmas, ka konstatuar që vozitja e tepërt e biçikletës mund të ndikojnë seriozisht në formën dhe cilësinë e spermatozoideve, ndërkaq vetvetiu edhe në forcën e tyre të fertilitetit.
Mos e teproni me nxehtësinë
Një hulumtim i bërë në Universitetin e Kalifornisë ka treguar që te pesë nga 11 meshkuj të cilët nuk kanë bërë dush me ujë të nxehtë apo nuk janë larë në banja të nxehta, numri spermatozoideve është shtuar për afro 500 për qind.
Pini kafe, por mos e teproni
Hulumtuesit e Universitetit të Sao Paolos në Brazil kanë konstatuar që konsumimi me masë i kafes përmirëson lëvizshmërinë e spermatozoideve. Ndërsa, studime tjera thonë se konsumimi i tepruar i kafes, mund të ndikojë në efektshmërinë dhe plleshmërinë e meshkujve /Telegrafi/