Madhësia e “veglës” së partnerit megjithatë ka rëndësi, por vetëm kur është fjala për seksin për një natë, ka konstatuar studimi i Universitetit amerikan të Kalifornisë. Mirëpo për femrat nuk ka rëndësi gjatësia, por trashësia e penisit, shkruan LiveScience, transmeton Telegrafi.
Gjatë hulumtimit femrat e anketuara kanë zgjedhur njërin ndër 33 modelet e penisit për seks për një natë dhe për seks afatgjatë me partnerin. Modelet janë printuar në 3D. Dallimet kanë qenë nga 10,16 cm gjatësi dhe 6,35 cm vëllim deri në 21,59 cm gjatës dhe 17,78 cm vëllim.
Për seks për një natë femrat kanë zgjedhur penisin me vëllim më të madh sesa për seks afatgjatë me partnerin. Dallim në gjatësi nuk ka pasur. Më së shpeshti kanë zgjedhur modelin e gjatësisë prej 16,51 cm.
– Vagjina ka përfundime nervore dhe është e ndjeshme në zgjatje, andaj vëllimi më i madh i penisit mund të shtojë kënaqësinë. Vëllimi më i madh gjithashtu mund të afrojë klitorisin më afër vagjinës gjë që gjithashtu ndikon në arritjen e kënaqësisë më të madhe – ka thënë udhëheqësja e hulumtimit, Shannon Leung. Nga ana tjetër, penisi më i gjatë mund të shkaktojë dhembje të pakëndshme, shton Leung.
Femrat pas një kohe të gjatë mbivlerësojnë madhësinë e “veglës” së tij
Edhe pse madhësia është e rëndësishme, femrat lehtë mbivlerësojnë, ka konstatuar ky studim. Të anketuarat kanë marrë modelin e penisit dhe kanë mundur ta studiojnë për vetëm 30 sekonda. Pastaj shkencëtarët kanë kërkuar që të zgjedhin të njëjtin model menjëherë apo pas 10 minutave.
Femrat të cilat pas 10 minutave kanë zgjedhur modelin më së shpeshti kanë mbivlerësuar madhësinë e tij.
E pra, ky është një lajm i shkëlqyeshëm për meshkujt të cilët mendojnë të zmadhojnë “veglën” e tyre. Tekefundit, femrat shpesh mbivlerësojnë madhësinë e tij reale – thekson Leung. /Telegrafi/