Milot Rashica ka pësuar një lëndim që do ta mbajë jashtë fushave për rreth dy muaj.
Rikthimi i sulmuesit vushtrrias në fushë pritet të ndodh në fund të muajit janar dhe mungesa e tij do të jetë një hendikep i madh për Werderin.
Klubi gjerman ka konfirmuar që Rashica ka pësuar një lëndim në tendin e kofshës dhe do të mbetet jashtë fushave për rreth shtatë javë.
Përkundër që ka pësuar lëndim, vushtrriasi nuk është dorëzuar, pasi ai tanimë ka bërë një postim në rrjetet sociale duke treguar se nuk është tip i lojtarit që dorëzohet.
“Bie shtatë herë, por qohu tetë”, ka shkruar Rashica në profilin e tij zyrtar në ‘Twitter’.
Ky postim i tij tregon se Miloti përkundër lëndimit nuk është demoralizuar, por do të punojë edhe më shumë që të rikthehet më i fortë në fushat e blerta.
24-vjeçari këtë edicion ka zhvilluar pesë ndeshje në Bundesliga, ku ka bërë vetëm një asistim pa e gjetur golin. /Telegrafi/
Fall down seven times, get up eight 💪🏼 pic.twitter.com/YfaV2id6Tg
— Milotrashica (@milotrashica) December 3, 2020