Pas më shumë se një javë nga triumfi në Wembley, Roberto Mancini rikthehet të flasë për emocionet e forta që i dhurojë titulli i fituar në Euro 2020.
Italia fitoi 3-2 përmes penalltive ndaj Anglisë, duke fituar kështu trofeun e dytë në histori të tyre.
“Jemi të gjithë shumë të lumtur sepse i dhamë jetë një gjeje të jashtëzakonshme”, ka thënë strategu i Azzurëve.
“Italia do të qëndrojë në librat e historisë. Ndihem mirë si kampion evrope, është një ndjesi shumë e bukur, jam absolutisht shumë i lumtur, në veçanti jam i lumtur për të gjithë italianët në të gjithë botën”.
“Festuam, por gjithçka ndodhi aq shpejt sa më kaloi përpara syve si një film. Nuk kishim përgatitur asgjë por u mirëpritëm nga shumë persona në rrugët e Romës, ishte thjeshtë shumë e bukur, një moment që ende e përjetoj”.
“Isha aq shumë i emocionuar në ato momente sa më shpërthyen lotët. Kanë qenë 50 ditë të mbushua plot me emocione, për këtë arsye qava, sepse në ato momente u zhduk i gjithë tensioni. Një fitore kaq e madhe të bën akoma më shumë emocional”, shtoi më tej Mancini. /Telegrafi/
