Situata mes Paris Saint-Germain dhe sulmuesit Kylian Mbappe nuk duket aspak pozitive.
Francezi reagoi ashpër ndaj klubit, pasi e kishte vendosur atë si imazh kryesor në fushatën e abonimeve dhe shitjet e biletave për sezonin e ardhshëm.
“Sapo pashë fushatën e klubit për biletat e sezonit 2023-24 dhe dua të theksoj se në asnjë moment nuk kam qenë i informuar me përmbajtjen e videos. Nuk jam aspak dakord me videon që është postuar, sepse për këtë arsye unë kam luftuar për të drejtat e imazhit. PSG është një klub i madh, por nuk bëhet fjalë për “Kylian” Saint-Germain. Sinqerisht, Mbappe”, mbyll deklaratën e tij Mbappe.
Kylian Mbappe has criticised PSG after they used him in a video to promote season ticket sales, without informing him how the interview would be used. pic.twitter.com/GWnOvZ0wP5
— ESPN FC (@ESPNFC) April 6, 2023
Pas këtij reagimi, nga mediet franceze raportohet se PSG e zhduku menjëherë videon në fjalë.
E gjitha ka të bëjë me të drejtat e imazhit, pasi sulmuesi francez është shumë i kujdesshëm në çdo aspekt dhe fakti që në këtë rast nuk ka qenë i informuar për përdorimin në fjalë e ka acaruar atë tej mase, duke bërë edhe një reagim publik kundër klubit ku është pjesë./Telegrafi/