Sekretari amerikan i Shtetit, Antony Blinken, është deklaruar pasi që Shtetet e Bashkuara sanksionuan presidentin e Federatës së Bosnje e Hercegovinës, Marinko Çavar (HDZ) dhe ministrin e Shëndetësisë së Republika Srpska, Alen Sheraniq, (SNSD).
“Partitë etnonacionaliste nuk mund të kompromentojnë të ardhmen e Bosnjës e Hercegovinës në dëm të qytetarëve të saj. Sekretari i Financave të SHBA-ve, sot ka sanksionuar dy zyrtarë që shkelën marrëveshjen e Dejtonit dhe proceset demokratike në Bosnje”, ka porositur Blinken, transmeton Telegrafi.
Kujtojmë që arsyeja pse Çavar është sanksionuar është theksuar se amerikanët e konsiderojnë përgjegjës për bllokimin e funksionimit të Federatës së Bosnjës. Si arsye për sanksionimin e Sheraniqit është përmendur promovimi i aktiviteteve secesioniste në Republikën Srpska.
Shtetet e Bashkuara kanë sanksionuar më herët Millorad Dodikun, televizionin atlernativ të Banjallukës (ATV), ish-gjykatësen e Bosnjes, Gordana Tadiq dhe zyrtarin e lartë të SDA-së, Asim Sarajliq. /Telegrafi/
Bosnia and Herzegovina’s future cannot be compromised by ethno-nationalist parties at the expense of its citizens. Today, @USTreasury designated two officials who have undermined the Dayton Peace Agreement and Bosnia and Herzegovina’s democratic processes.
— Secretary Antony Blinken (@SecBlinken) June 6, 2022