Florent Hadergjonaj po kalon vitin e tij të parë në kampionatin anglez, Ligën Premier.
Pas transferimit nga Ingolstadt, Hadergjonaj ka pasur fillimisht vështirësi derisa zuri vendin në formacionin bazë.
Me të debutuar në Ligën Premier, mbrojtësi fantastik nga Kosova është bërë titullar i padiskutueshëm në Huddersfield.
Në 24 ndeshje, Florenti ka arritur të bëjë dy asistime duke qenë fantastik edhe në fazën defensive.
Kjo ka bërë që mbrojtësi nga Deçani të vlerësohet shumë në klub dhe të bëhet ndër më të dashurit nga tifozët bardh e kaltër.
E së fundmi 23-vjeçari është futur në garë për futbollistin e vitit te Huddersfield.
Ka qenë faqja ‘examiner.co.uk’ që është e afërt me klubin që ka hapur sondazhin për të votuar tifozët për lojtarin e vitit tek klubi bardh e kaltër.
Hadergjonaj është në garë dhe ka nevojë për votë tuaj. Për të votuar Florentin duhet të klikoni KËTU. /Telegrafi/