Skuadra e Ligue 1, Paris Saint-Germain është e gatshme të ofrojë një marrëveshje të madhe në formë bonusi për Kylian Mbappe, për të larguar interesin e klubeve evropiane dhe për ta ‘detyruar’ lojtarin të rinovoj kontratën.
Kontrata e Mbappes skadon në verë dhe ai është lidhur shumë me një transferim të lirë te Real Madrid.
Megjithatë, pronarët dhe drejtuesit e klubit nga Ligue 1 janë duke tentuar të bëjnë të pamundurën për ta mbajtur yllin e tyre.
Pas disa ofertave radhazi për rinovim, drejtuesit po mendojnë një joshje tjetër për Mbappen në formë të bonusit si një pagesë madhështore për besnikërinë e tij.
Sipas mediumit francez Le Parisien, PSG-ja është e gatshme t’i ofrojë Mbappes një bonus marramendës nëse vendos të qëndroj në Parc des Princes.
Ky medium shton se PSG i ofron Mbappes plot 100 milionë euro bonus për ta bindur atë të nënshkruajë kontratën e re.
Përveç kësaj, francezi thuhet se do të fitonte plot 50 milionë euro në vit nëse rinovon kontratën, të vlefshme për katër apo pesë vite. /Telegrafi/