Sulmuesi gjilanas, Mirlind Daku e ka nisur sezonin e ri në Rusi në mënyrën më të shkëlqyer edhe pse para se të shkonte, klubi kishte hapur ndaj tij një procedurë disiplinore.
Daku ishte njeriu i ndeshjes së javës së parë mes Nizhny Novgorod dhe Rubin Kazan, ku skuadra e tij fitoi me rezultat 4-2.
26-vjeçari ishte autor i një goli dhe një asistimi, duke qenë rreziku kryesor në portën e vendasve.
Мирлинд Даку – лучший игрок матча с «Пари НН» по мнению болельщиков 🌟
Знакомимся со статистикой нашего MVP от Яндекс Плюс х VSporte 📊 pic.twitter.com/ZgVdLHeV7z
— «Рубин» Казань (@fcrk) July 24, 2024
Pas çmimit si lojtari i ndeshjes, sulmuesi kuqezi është futur dhe në formacionin më të mirë të javës së parë në Ligën Premier të Rusisë.
Ai është sulmuesi kryesor në 11-shen më të mirë të javës, duke dëshmuar se është në një formë të shkëlqyer.
Këtë edicion, Daku ka marrë dhe fanellën me numrin 10 dhe është një nga lojtarët më të rëndësishëm te Rubin Kazan.
Ofertat për Mirlind Dakun nuk kanë munguar, ku flitej për një transferim të mundshëm drejt Serie A, me Calgiarin që kishte shfaqur interesim. /Telegrafi/