Paraqitja e Jadon Sanchos kundër Bayernit e vërteton se ai është një nga talentet më të mëdhenj në futbollin botëror

Jadon Sancho i dërgoi botës së futbollit një mesazh të hershëm me një shfaqje të bujshme kundër Bayern Munichun në finalen e Superkupës Gjermane.

Sulmuesi anësor i Dortmundit siguroi një asistim të mrekullueshëm për shokun e skuadrës Paco Alcacer, i cili hapi rezultatin në minutën e 48-të, dhe më pas shënoi një gol të bukur pas një aksioni individual duke vulosur fitoren 2-0.

Lexo po ashtu Dortmundi fiton Superkupën e Gjermanisë pas triumfit ndaj Bayernit

Sancho me gjakftohtësi shndërroi rastin në gol, duke ia futur në mes të këmbëve topin portierin gjerman, Manuel Neuer.

Anglezi dita-ditës po bëhet thjesht i mirë dhe më i mirë sesa ishte dhe po i tregon botës për potencialin e tij të madh.

https://twitter.com/HugoooG78/status/1157761596057366533

Që nga ardhja e tij nga Manchester City sezonin e kaluar, 19-vjeçari është përfshirë direkt në 35 gola në 56 ndeshje në të gjitha garat për klubin gjerman.

Sancho që nga ajo kohë ka shënuar 14 gola si dhe ka shtuar 21 asistime.

Edhe para finales së mbrëmshme ndaj Bayernit, Sancho dukej në formë mahnitëse, ndërsa tregoi aftësitë e tij të buta gjatë një stërvitje te Dortmundi.

Anësori sulmues 19-vjeçar ‘poshtëroi’ jo një por dy shokët e tij të skuadrës në stërvitje duke i dribluar me lehtësi.

Ai të parin e dribloi me kthim, ndërsa të dytin e ‘poshtëroi’ duke i futur topin në mes të këmbëve. /Telegrafi/