Pas fitores së Suedisë ndaj Koresë së Jugut, gjendja në kampin e Gjermanisë është alarmante.
Në rast të një tjetër disfate të gjermanëve ndaj Suedisë të shtunën në ora 20:00 në Sochi, kampioni aktual i botës do të ishte i eliminuar qysh në fazën grupore në rast të katër skenareve të ndryshme.
Skenari 1:
Nëse Meksika mposht Korenë e Jugut dhe Suedia mposht Gjermaninë. Meksika dhe Suedia do të kishin nga gjashtë pikë dhe dyjat do të ishin në 1/8-ën e finales.
Skenari 2:
Meksika luan me rezultat të barabartë. Më pas Suedia me një fitore do të kishte gjashtë pikë dhe do të ishte sigurt në 1/8-ën e fniales. Meksika në atë rast do të kishte katër pikë dhe do të mund të arrihej nga Korea e Jugut, por jo nga gjermanët që do të ishin pa pikë dhe të eliminuar.
Skenari 3:
Gjermania barazon me Suedinë dhe pavarësisht nga rezultati i ndeshejs Meksikë – Kore e Jugut do të mund të arrinte fazën tjetër. Por, nëse Meksika fiton ndaj Koresë së Jugut, atëherë Gjermania edhe në rast të fitores në ndeshjen e fundit ndaj Koresë së Jugut do të kishte nevojë për ndihmën e latino-amerikënve në sfidën e tyre të fundit ndaj Suedisë. Në rast të barazimit në këtë situatë të Meksikës dhe Suedisë, ose fitoreje të Suedisë, Gjermania do të ishte e eliminuar.
Skenari 4:
Nëse Gjermania fiton ndaj Suedisë, kualifikimi në fazën tjetër do të jetë në dorë të vet Gjermanisë në ndeshjen e fundit ndaj Koresë së Jugut.
A mendoni se Gjermania do të kualifikohet në fazën tjetër, apo do të ndodh befasia e madhe e eliminimit qysh në fazën e grupeve?
/Telegrafi/